طارطة باردة

طارطة باردة

1 ليتر كريم فريش
1 نيستلي مركز زمحلى
1 ليتر حليب
1 علبة كواخادا أو بديل ديالو منتوج مغربي ديالنا مستحضر الرايب.
2 علب بسكوي أنا كنعمل ماريا وانتوما شوفو لي يناسبكم
شوية د الحليب لي نجمع بيه البيسكوي.

الطريقة :
نطحن البيسكوي ونخلط معاه شوية د الحليب حتى يتجمع ونعملو في مول كيتحل من الجناب منين نكون كنمدو فالمول ممكن نفزك يدي بشوية د الحليب.

حيت كتكون كتلصق وندخلها للمجمد على مانوجد الخليط .

نعمل الحليب في طنجرة ونخوي عليه 4 خنيشات لي كيجيو فكواخادا أو نشري 4 خنيشات من مستحضر الرايب ونحرك مزيان .
نضيف الحليب المركز مع التحريك المستمر .
ثم الكريم فريش مع التحريك.
غير نتأكد أن كل الخليط امتزج مزيان نعملو على العافية مع التحريك المستمر حتى يبدى يغلي .

نفرغ الخليط فوق مغروفة الحريرة ومنها ينزل للبيسكوي .

ونخليها تبرد شوية وندخلها للثلاجة كتاخد من 2 ل 3 سعات باش تبرد مزيان .

ونزينها حسب الرغبة ممكن تقدميها بعد الأكل كتجي رااائعة جدا

أتمنى وصفتي اليوم تنال إستحسانكم .